Sharad Pawar Ajit Pawar Pune alliance news : पुणे महापालिकेत अस्तित्व टिकवण्यासाठी दोन्ही राष्ट्रवादी काँग्रेस एकत्र लढणार आहेत. अजित पवार आणि शरद पवार यांच्या राष्ट्रवादी काँग्रेसचं पुण्यासाठीचे गणित ठरलेय. अजित पवार गट १२५ तर शरद पवार गट ४० जागा लढवणार असल्याचे निश्चित झालेय. पॅनल निवडून आणण्यासाठी प्रत्येक प्रभागात अजित पवार गटाचे तीन आणि शरद पवार गटाचा एक उमेदवार असेल. प्रभाग स्तरावर आपले राजकीय वर्चस्व राखण्यासाठी शरद पवार गटाने ही विशेष रणनीती आखली आहे. यामुळे महापालिकेत राष्ट्रवादीची ताकद वाढण्याची शक्यता आहे.

पुण्यात आता तिरंगी लढत होणार, हे निश्चित झाले आहे. शिंदेंची शिवसेना आणि भाजप एकत्र निवडणुकीच्या रिंगणात उतरत आहेत. तर दोन्ही राष्ट्रवादी पुण्यात एकत्र लढणार यावर सोमवारी रात्री शिक्कामोर्तब झाले. काँग्रेस आणि शिवसेना ठाकरे गट, मनसे एकत्र निवडणुका लढणार आहेत.