गेल्या काही महिन्यात भाजपच्या वरिष्ठ नेत्यांसमवेत शरद पवारांच्या राष्ट्रवादीची वाढलेली जवळीक पाहता,शरद पवारांची राष्ट्रवादी एनडीएसोबत जाणार असल्याच्या चर्चाही सुरू झाल्या.मात्र शरद पवार यांनी या सर्व शक्यता पार धुडकावून लावल्या. राष्ट्रवादी काँग्रेसच्या बैठकीत आज शरद पवारांनी याबाबत माहिती दिली. शरद पवारांच्या वक्तव्यावर अजित पवारांच्या राष्ट्रवादीचे प्रदेशाध्यक्ष सुनील तटकरे यांनी प्रतिक्रिया दिलीय. शरद पवार हे 6 दशकांपासून देशाचं नेतृत्व करतात.त्यामुळे त्यांच्या वक्तव्याचा अर्थ अनेकदा कोणाला कळलासुद्धा नाहीये. म्हणून साहेबांच्या वक्तव्याचं उत्तर काळाच्या ओघातच मिळेल, असे सुनील तटकरे यांनी म्हटलंय.दुष्काळ परिस्थितीवरील शासन निर्णयावर शरद पवारांनी नाराजी दर्शवली आहे, यासंदर्भात बोलताना सुनिल तटकरे म्हणाले की, दुष्काळाच्या पार्श्वभूमीवर सरकारने पाऊलले उचलली आहेत. राज्यातील महायुती सरकार संवेदनशील आहे.