दत्तात्रय भरणे यांनी मतदान केंद्रावर आगपाखड केल्याचं दिसून आलं आहे. भरणे यांचा विरोधकांना चिडून बोलत असलेला व्हिडिओ व्हायरल झाला आहे. आमदार दत्तात्रय भरणे यांनी मतदान केंद्रावर विरोधकांवर दमबाजी केली आहे. विरोधात आलेल्या कार्यकर्त्यांना केली दमबाजी केलीय. यावेळी पोलीस अधिकाऱ्यांनासुद्धा भरणे यांनी एकेरी भाषा वापरली. राष्ट्रवादी काँग्रेस अजित पवार गटाचे दत्तात्रय भरणे इंदापूर विधानसभेचे उमेदवार आहेत. त्यांच्या विरोधात राष्ट्रवादी काँग्रेस शरद पवार गटाचे उमेदवार हर्षवर्धन पाटील उभे आहेत. या सर्व प्रकाराचा हर्षवर्धन पाटील यांनी तीव्र शब्दात निषेध केला असून या संदर्भात आम्ही निवडणूक निर्णय अधिकाऱ्यांना तक्रार करीत असल्याचे सांगितले आहे.

Edited By Rakhi Rajput