Javed Pathan death after filing nomination Mira Bhayander : मिरा–भाईंदर महापालिका निवडणुकीदरम्यान एक अत्यंत दुर्दैवी घटना घडलीये... उमेदवारी अर्ज दाखल केल्यानंतर अजित पवारांच्या राष्ट्रवादीच्या उमेदवाराचा हृदयविकाराच्या झटक्याने मृत्यू झालाय... जावेद पठाण असं मृत उमेदवाराचं नाव आहे. त्यांनी सकाळी प्रभाग क्रमांक 22 मधून उमेदवारी अर्ज दाखल केला होता. (Mira Bhayander civic election tragic incident)

मिळालेल्या माहितीनुसार, जावेद पठाण यांनी सकाळी १० ते ११ या वेळेत प्रभाग क्रमांक २२ मधून राष्ट्रवादी काँग्रेस पक्षाच्या वतीने आपला उमेदवारी अर्ज दाखल केला होता. त्यानंतर दुपारी सुमारे साडेतीन वाजण्याच्या सुमारास मिरा रोड येथील हैदरी चौक परिसरात त्यांना अचानक हृदयविकाराचा झटका आला. तत्काळ उपचारासाठी प्रयत्न करण्यात आले, मात्र डॉक्टरांनी त्यांना मृत घोषित केले. या घटनेमुळे मिरा–भाईंदरच्या राजकीय वर्तुळात शोककळा पसरली असून, निवडणुकीच्या रणधुमाळीत हा प्रकार घडल्याने सर्व स्तरांतून हळहळ व्यक्त केली जात आहे.