मी तीव्र शब्दात त्याचा निषेध केला आहे, त्याच ट्विट ही केलं आहे, त्यांना फोन केला तुम्ही केलेले हे स्टेटमेंट आम्हाला कुणालाही आवडले नाही, तुम्ही हे बंद करा. वैयक्तिक कुणाच्या विषयी बोलणं आपली पद्धत नाही, त्याबद्दल मी निषेध केलेला आहे. पवार साहेबांबद्दल अशी टीका कधीच सहन केली जाणार नाही, असं विधान अजित पवार यांनी केलं आहे. सदभाऊ खोत यांनी केलेल्या विधानावर त्यांनी नाराजी व्यक्त करत हे विधान केलं आहे.

महायुतीचे नेते सदाभाऊ खोत यांनी खासदार शरद पवार यांच्यावर खालच्या पातळीवर जाऊन टीका केली. त्यानंतर आता सगळ्या स्तरांतून त्यांच्यावर टीका केली जात आहे. सदभाऊ खोट यांच्या वक्तव्यावर बोलताना अजित पवार यांनी देखील या गोष्टीचा निषेध व्यक्त करत शरद पवार यांच्यावर अशी टीका सहन केली जाणार नाही असं म्हंटलं आहे. 'पवार साहेबांबद्दल असं वक्तव्य करता कामा नये. तुम्हाला जी भूमिका मांडायची आहे ती मांडा, तुमची विचारधारा आणि इतरांची विचारधारा वेगळ्या असू शकतात. मतमतांतर असू शकतो ताळमेळ ठेवून बोललं पाहिजे. हा विनाशकाली विपरीत बुद्धीसारखा निंदनीय प्रकार आहे. असं पुढे होणार नाही असं त्यांनी सांगितलं आहे. अशा पद्धतीची वक्तव्य महाराष्ट्र सहन करत नाही आम्हालाही ते मान्य नाही', अशा शब्दांत अजित पवार यांनी देखील सदभाऊ खोत यांच्यावर टीका केली आहे.

Edited By Rakhi Rajput