नवी मुंबईकरांसाठी महत्वाची बातमी आहे. नवी मुंबईत आज पाणी पुरवठा बंद राहणार आहे. नवी मुंबईला पाणी पुरवठा करणारी जलवाहिनीत गळती होत आहे. या दुरूस्तीच्या कामासाठीच आज नवी मुंबईत पाणी नाही. आज पाणी येणार नसल्यामुळे नवी मुंबईकरांनी पाण्याचा जपून वापर करावा असे आवाहन करण्यात आले आहे.

नवी मुंबईतील आग्रोळी ब्रिज जवळील रेल्वे ट्रॅक लगत असणाऱ्या मोरबे जलवाहिनीवरील पाणी गळती रोखण्यासाठी जलवाहिनी बदलण्याचे काम हाती घेण्यात आले आहे. नवी मुंबई मनपा क्षेत्रासह सिडको क्षेत्रातील खारघर आणि कामोठेमध्ये देखील पाणी पुरवठा बंद रहाणार आहे. तर उद्या कमी दाबाने पाणी पुरवठा होणार आहे. पाणी पुरवठ्याबाबत नागरिकांनी नोंद घ्यावी आणी जपून पाण्याचा वापर करावा असे आवाहन करण्यात आले आहे.