नवी मुंबई: मुख्यमंत्री देवेंद्र फडणवीस यांच्या अध्यक्षतेखाली आज राज्यस्तरीय बैठक घेण्यात आली, ज्यात नवी मुंबई विमानतळाला लोकनेते दि.बा. पाटील यांच्या नावावर नामकरण करण्याचा निर्णय शिक्कामोर्तब झाला. बैठकीत सर्वपक्षीय नेते उपस्थित होते आणि या प्रस्तावावर एकमताने पाठिंबा दर्शविला.

राज्य सरकारने याबाबतचा प्रस्ताव केंद्र सरकारकडे पाठवला असून, ‘दि.बा. पाटील’ हे नाव एकमेव म्हणून केंद्राला सादर करण्यात आले आहे. मुख्यमंत्री फडणवीस यांनी बैठकनंतर सांगितले की, येत्या तीन महिन्यांत या नावाची अधिकृत घोषणा केली जाईल. हि घोषणा दि.बा. पाटील यांच्या सामाजिक, शैक्षणिक आणि सार्वजनिक कार्यातील योगदानाला अभिवादन असून, त्यांच्या स्मरणार्थ विमानतळाच्या या नामकरणामुळे त्यांचा वारसा कायम राहील असे मुख्यमंत्री म्हणाले.