नवी मुंबई: ऐरोली परिसरात राहणाऱ्या दहावीत शिकणाऱ्या अनुष्का शहाजी केवळे हिने आत्महत्या केल्याची घटना घडली आहे. तिच्या कुटुंबियांच्या आरोपानुसार, सुशिलाबाई देशमुख विद्यालयाच्या मुख्याध्यापिका देशमुख मॅडम यांनी परीक्षेच्या दरम्यान तिचा अपमान केला. परीक्षेच्या वेळी अनुष्काच्या बेंचखाली एक कॉपी सापडली. यावरून पेपरसाठी ती कॉपीचा वापर करत असल्याचा आरोप केला गेला.

यामुळे देशमुख मॅडम यांनी अनुष्काला सर्वांसमोर अपशब्द वापरून अपमानित केले. या अपमानामुळे अनुष्काला मानसिक त्रास झाला आणि तिने आत्महत्या केली, असे पालकांनी सांगितले. या प्रकरणी रबाळे पोलीस ठाण्यात मुख्याध्यापिका देशमुख मॅडम यांच्यावर गुन्हा दाखल करण्यात आला आहे. या घटनेचा पोलिस अधिक तपास करत आहेत.