नाशिक आणि त्र्यंबकेश्वर येथे २०२७ साली सिंहस्थ कुंभमेळा होणार आहे. कालच मुख्यमंत्री देवेंद्र फडणवीस यांनी नाशिकला भेट देऊन संपूर्ण कुंभमेळ्याच्या नियोजनाचा आढावा घेतला. मात्र मुख्यमंत्र्यांच्या दौऱ्यानंतर साधू-संतांमध्ये मोठा वाद निर्माण झाला आहे.

हा वाद कुंभमेळ्याच्या नावावरून पेटला आहे. त्र्यंबकेश्वरच्या साधू-महंतांच्या आखाड्याने "नाशिक-त्र्यंबकेश्वर सिंहस्थ कुंभमेळा" असे नाव न ठेवता, त्याऐवजी "त्र्यंबकेश्वर-नाशिक कुंभमेळा" असे नाव देण्याची मागणी केली आहे. मात्र नाशिकच्या साधू-महंतांनी या मागणीला तीव्र विरोध दर्शवला आहे.

या वादावर तोडगा काढण्यासाठी महापालिका आयुक्त मनीषा खत्री यांनी तातडीची बैठक बोलावली आहे. येऊ घातलेल्या सिंहस्थ कुंभमेळ्याआधीच हा वाद निर्माण झाल्याने प्रशासनासमोर नवा पेच उभा राहिला आहे.