नाशिक महापालिकेच्या प्रारूप मतदार यादीत मोठा घोळ झाल्याचे समोर आले आहे. सिडकोचे भाजपचे माजी मंडळ अध्यक्ष आणि आगामी निवडणुकीसाठी इच्छुक उमेदवार अविनाश पाटील यांचे नाव मतदार यादीतून गायब झाले आहे. विधानसभा निवडणुकीत मतदान करूनही त्यांचे नाव वगळल्याने त्यांनी संताप व्यक्त केला आहे. तसेच, अनेक नागरिकांची नावे चुकीच्या प्रभागात टाकल्याच्या तक्रारीही वाढत आहेत. अविनाश पाटील यांनी यामागे राजकीय षडयंत्र असल्याचा आरोप केला आहे. 'माझ्या पत्नीचं नाव ठेवलं, माझं नाव गायब केलं. म्हणजे हे कोणीतरी बुद्धिपुरस्कार केलेला आहे, कारण की पूर्ण एकतीस प्रभागात कुठेच माझं नाव ठेवलेलं नाहीये,' असा आरोप पाटील यांनी केला आहे. त्यांनी म्हटले की, विरोधकांनी त्यांना निवडणुकीत उभे राहता येऊ नये म्हणून हे जाणूनबुजून केले आहे.