नाशिक महानगर पालिका निवडणुकीदरम्यान भाजपमध्ये राडा झाल्याची बातमी समोर आली आहे. एबी फॉर्म वाटपावरून नाशिकमध्ये भाजप कार्यकर्त्यांमध्ये नाराजी पाहायला मिळत आहे. एबी फॉर्म वाटपावरून भाजपमध्ये राडा झाला असून एबी फॉर्मची पळवापळवी सुरू आहे. भाजपचे तिन्ही आमदार एकाच गाडीत एबी फॉर्म घेऊन गेले. त्यामुळे भाजप आमदारांच्या गाडीचा नाशिक- मुंबई महामार्गावर जिल्हाध्यक्षांनी पाठलाग केला. याचा व्हिडीओ समोर आला असून तो व्हायरल होत आहे.

तर दुसरीकडे, नाशिकमध्ये उमेदवारी अर्ज भरण्यासाठी इच्छुक उमेदवारांनी गर्दी केली आहे. नाशिकच्या पंचवटी विभागीय कार्यालयाबाहेर उमेदवारी अर्ज भरण्यासाठी आलेल्या इच्छुक उमेदवारांनी गोंधळ घातला. उमेदवारी अर्ज भरण्यासाठी अवघे काही तास शिल्लक राहिल्याने इच्छुक उमेदवारांची पळापळ होत आहे. भाजपचे शहराध्यक्ष सुनील केदार यांना आमदार सीमा हिरे आणि इच्छूक उमेदवारांनी घेरले. सुनील केदार यांची गाडी अडवण्यात आली.