स्वतःला जहाजावर कॅप्टन म्हणून घेणारा भोंदूबाबा वास्तवात अशोक खरात दहावी फेल असल्याचे समोर आलं आहे. तथाकथित अंकशास्त्रतज्ञ दहावीत गणितात नापास आहे. भोंदूबाबा अशोक खरातच शैक्षणिक वास्तव समोर आलं आहे. दहावी परीक्षेत गणितात नापास झाल्याची माहिती समोर आली आहे. गुणपत्रिकेनुसार एकूण २५१ गुण असून टक्केवारी सुमारे ३५.८८% इतकी आहे. त्याला मराठीमध्ये 39, इंग्रजीत 37, गणितात 28, विज्ञानात 62, समाजशास्त्राचा 38 आणि हिंदीमध्ये 47 मिळाले होते. अशोक हा सिन्नर तालुक्यातील कहांडळवाडीच्या वावी येथील माध्यमिक शाळेचा विद्यार्थी होता. 1 जून 1965 जन्मतारीख असलेल्या दहावीच्या मार्कशीटमध्ये लक्ष्मण असे मूळ नाव आहे. त्याने नंतर गॅजेटद्वारे अशोक कुमार नाव केल्याची शक्यता आहे.