नाशिकच्या राजकीय वर्तुळातून एक मोठी बातमी समोर आली आहे. शिवसेना उद्धव ठाकरे गटाचे जिल्हाप्रमुख सुधाकर बडगुजर यांचा मुलगा दीपक बडगुजर याच्यावर गुन्हा दाखल करण्यात आला आहे. आरपीआय शहर अध्यक्ष प्रशांत जाधव यांच्यावर गोळीबार केल्या प्रकरणी त्यांच्याविरोधात पोलिसांनी कारवाई केली आहे.

या गोळीबार प्रकरणात अटक करण्यात आलेल्या संशयिताने दीपक बडगुजर यांच्या सांगण्यावरून गोळीबार केल्याची कबुली पोलिस तपासादरम्यान दिली. संशयित आरोपीने दीपक बडगुजरचे नाव घेताच पोलिसांनी त्याच्याविरोधात गुन्हा दाखल केला. दीपक बडगुजरच्या विरोधात अंबड पोलिस ठाण्यात गुन्हा दाखल करण्यात आला आहे. या गोळीबार प्रकरणात दीपक बडगुजरचे नाव समोर येताच आता नाशिकमध्ये जोरदार चर्चांना उधाण आले आहे.