नाशिक जिल्ह्यातील मालेगाव शहरात माणुसकीला काळीमा फासणारी घटना घडली आहे. डोंगराळे गावातील घटनेची शाई वाळत नाही तोच आता एका १३ वर्षीय गतिमंद मुलीवर ५५ वर्षीय नराधमाने अत्याचार केल्याचा धक्कादायक प्रकार समोर आला आहे. दीपक छाजेड असे या आरोपीचे नाव असून, पीडित मुलीची आई त्याच्याकडे घरकाम करत होती. आरोपीने मुलीला आमिष दाखवून अज्ञातस्थळी नेले आणि तिच्यावर अत्याचार केला. या घटनेमुळे मालेगाव पुन्हा एकदा हादरले असून नागरिकांमध्ये संतापाची लाट पसरली आहे. पोलिसांनी आरोपीला तत्काळ अटक केली असून या प्रकरणाचा पुढील तपास सुरू आहे. या घटनेमुळे महिला आणि मुलींच्या सुरक्षेचा प्रश्न पुन्हा ऐरणीवर आला आहे.