नाशिकचा भोंदूबाबा अशोक खरात प्रकरणात महत्वाची माहिती समोर आली आहे. एसआयटी चौकशीदरम्यान अशोक खरातची प्रकृती अचानक बिघडली. तातडीने कार्डियाक ॲम्बुलन्स मागवून भोंदू खरातची तपासणी करण्यात आली आहे. अशोक खरातला डोकेदुखी , मळमळ आणि उलटीचा त्रास होत असल्याची माहिती समोर आली आहे. छातीत दुखत असल्याने काही काळ त्याला ऑक्सिजन लावण्यात आला होता. दोन दिवसांपूर्वी अशोक खरातच्या वकिलांनी त्याला न्यूरोसर्जनकडे घेऊन जाण्याची मागणी न्यायालयात केली होती.

दरम्यान, भोंदू अशोक खरात प्रकरणात एसआयटीकडून वेगाने तपास सुरू आहे. शहरातील एका बड्या हॉटेल व्यावसायिकाची तब्बल ६ तास चौकशी करण्यात आली. एसआयटीकडून व्यावसायिकाची सखोल चौकशी करण्यात आली असून आर्थिक संबंधांचीही तपासणी केली गेली. खरातच्या जमीन खरेदी विक्रीत भागीदारी असल्याच्या माहितीवरून ही चौकशी केल्याची माहिती सूत्रांनी दिली. चौकशी करून या बड्या हॉटेल व्यवसायिकाला रात्री उशिरा सोडण्यात आलं. भोंदू अशोक खरातची उद्या पोलिस कोठडी संपणार असल्याने पुन्हा उद्या त्याला कोर्टात हजर केले जाणार आहे. त्याआधी वेगवेगळ्या मुद्द्यावर एसआयटीकडून वेगाने तपास सुरू आहे.