अजय सोनवणे, साम टीव्ही

नाशिकच्या दिंडोरी तालुक्यातील अनेक गावात रात्री 10 वाजेनंतर भूकंपाचे धक्के जाणवले असून कुठे सौम्य तर कुठे त्याचे प्रमाण मोठ्या स्वरूपात असल्याने नागरिक भयभीत होऊन घराच्या बाहेर पडले आहेत. गेल्या काही दिवसांपासून सुरगाणा तालुक्यात असेच रोज धक्के जाणवले होते. मात्र, आता दिंडोरी तालुक्यात प्रथमच रात्रीच्या सुमारास होत असलेल्या भूकंपाच्या धक्क्याने नागरिक धास्तावले आहे, मिळालेल्या माहितीनुसार, या भूकंपाची तीव्रता 3.8 रिश्टर स्केल इतकी नोंदवली आहे. गेल्या आठवडाभरात जिल्ह्याच्या पश्चिम भागात सुरगाणा, कळवण, पेठ आणि दिंडोरी तालुक्यांतील काही भागांमध्ये सातत्याने भूकंपाचे धक्के बसत आहे. आता जाणवलेल्या भूकंपाच्या धक्यांनी घरांच्या भिंतीना तडे गेले आहे. त्यामुळे गावकऱ्यांमध्ये प्रचंड भीतीचे वातावरण निर्माण झाले आहे.