भोंदू अशोक खरात सध्या पोलिस कोठडीत आहे. पोलिस कोठडीच्या पहिल्या दोन दिवसांत पोलिसांचे भविष्य सांगणारा भोंदू अशोक खरात आता आपल्याच भविष्याबद्दल चिंतीत आहे. आपण लवकरच तुरुंगातून बाहेर पडणार नाही, याची खात्री त्याला झाल्याची माहिती तपास पथकातील सूत्रांनी दिली. खरात कोठडीत जास्त बोलत नाही, जेवणही कमी झाल्याची माहिती सूत्रांनी दिली आहे. न्यायालयातील सुनावणी व्हिसीद्वारेच व्हावी, असे खरात अधिकाऱ्यांना वारंवार सांगत आहे. खरातला तपास अधिकाऱ्यांनी पत्नी कल्पना कुठे असेल? याबाबत पुन्हा पुन्हा विचारले असता, देवालाच माहीत, असे उत्तर त्याने दिले. मात्र मुलगा हर्षवर्धन हा खरातचा घरात सर्वात लाडका आहे. त्यामुळे मुलाशी फोनवर बोलू देण्याची विनंती तो तपास यंत्रणांना करत असून मुलाची काळजी वाटते, असे तो वारंवार बोलून दाखवतोय, अशी माहितीही सूत्रांनी दिलीय.