योगेश काशिद, साम टिव्ही |बीड

बीड शहरातील प्रसिध्द तीर्थक्षेत्र नारायण गडावर मनोज जरांगे पाटील यांच्या मोठ्या मेळाव्याची तयारी अंतिम टप्प्यात आहे. मेळाव्याला अवघे काही तास शिल्लक राहिले असून नारायण गडावरती कामांना वेग आल्याचे पाहायला मिळत आहे.परिसरात आकर्षक फुलांच्या डेकोरेशन आणि रोषणाई करण्यात येत आहे. गडाच्या चारही बाजूंवर फुलांच्या माळा लावून सजावट केली जात आहे, ज्यामुळे गडाचे सौंदर्य अधिक खुललेले दिसणार आहे.

या मेळाव्याचे आयोजन धार्मिक तसेच सांस्कृतिक दृष्टिकोनातून विशेष महत्त्वाचे असून, हजारो भाविक आणि पर्यटक यावेळी गडावर दर्शन घेण्यासाठी येणार आहेत. मेळाव्याच्या पार्श्वभूमीवर नारायण गडावर जय्यत तयारी सुरु असून उद्या मनोज जरांगे पाटील नेमकं काय बोलतात हे पाहण देखील महत्त्वाचे ठरणार आहे.