Mumbai Shivaji Park : शिवाजी पार्कवर चिखलाचं साम्राज्य; दसरा मेळाव्यासाठी ठाकरे गटासमोर आव्हान | VIDEO

दसरा मेळाव्यासाठी उद्या दादरच्या शिवाजी पार्क मैदानात ठाकरे गटाचा भव्य कार्यक्रम होणार आहे. मात्र मेळाव्याला काही तास बाकी असतानाच मैदानात चिखलाचं साम्राज्य पाहायला मिळत आहे. मुसळधार पावसामुळे मैदानात साचलेले पाणी आणि चिखलामुळे कार्यकर्त्यांना तसेच उपस्थितांना गैरसोयीचा सामना करावा लागणार असल्याची भीती व्यक्त केली जातेय. ठाकरे गटाकडून मात्र तयारी जोरात सुरू असून, मैदान स्वच्छ करण्यासाठी कामगार तैनात करण्यात आले आहेत. पावसामुळे निर्माण झालेल्या अडचणींवर मात करून मेळावा यशस्वी करण्याचा निर्धार पक्षाकडून व्यक्त करण्यात आलाय. त्यामुळे उद्या होणारा दसरा मेळावा नेमक्या कशा वातावरणात पार पडतो, याकडे सर्वांचे लक्ष लागलं आहे.