नंदुरबारमध्ये एक धक्कादायक घटना घडलीये. ट्रकच्या धडकेत गर्भवती महिलेचा जागीच मृत्यू झालाय. बाजारासाठी दुचाकीवरून जात असलेल्या एका दाम्पत्याला खडी वाहतूक करणाऱ्या ट्रकने भरधाव धडक दिली. या धडकेत ही महिला खाली पडली. त्यानंतर त्या महिलेच्या डोक्यावरून मागील चाक गेल्याने, त्या महिलेचा जागीच मृत्यू झालाय. दुर्दैवी गोष्ट म्हणजे ही महिला गर्भवती होती. कवा पाडवी असा या मृत महिलेचं नाव आहे. दरम्यान, या प्रकरणी अवघ्या काही मिनिटातच पोलीस प्रशासनाकडून कडक कारवाई करण्यात आलीये. नंदुरबार शहरातील करण चौफळीवर खराब रस्त्यांमुळे अपघातांचे सत्र सुरू असल्याचं सांगितलं जात आहे.