खासदार संजय राऊत आणि कॉंग्रेस प्रदेशाध्यक्ष नाना पटोले यांच्यातील वादानंतर महाविकास आघाडीत देखील वादंग उठलं. त्यामुळे आज कॉंग्रेस हायकमांडने पटोले यांच्या ऐवजी कॉंग्रेसचे जेष्ठ नेते बाळासाहेब थोरात यांना शरद पवार आणि उद्धव ठाकरे यांच्याशी चर्चा करायला पाठवलं. मात्र यावर प्रतिक्रिया देताना आपल्याला हायकमांडने बाजूला केलं नसून आपणच यासाठी थोरात यांचं नाव सुचवलं असल्याचं नाना पटोले यांनी म्हंटलं आहे. यावेळी मविआत कोणताही वाद नसल्याचं देखील नाना पटोले यांनी म्हंटलं आहे.

खासदार संजय राऊत आणि कॉंग्रेस प्रदेशाध्यक्ष नाना पटोले यांच्यात जागावाटपावरून झालेल्या वादाने महाविकास आघाडीत फुट पडण्याची वेळ आली होती. त्यामुळे आता हा जागा वाटपाचा तिढा सोडवण्यासाठी कॉंग्रेसने आज बाळासाहेब थोरात यांना शरद पवार आणि उद्धव ठाकरे यांच्याशी चर्चा करण्यासाठी पाठवल्याने नाना पटोले यांना बाजूला केल्याचं बोललं जात होतं. मात्र त्यावर नाना पटोले यांनी प्रतिक्रिया देताना हायकमांडने मला बाजूला केलं नसून मीच यासाठी थोरात यांचं नाव सुचवलं आहे. महाविकास आघाडीत वाद नाही. माध्यमांनी उगाच आमच्यात भांडण लावू नये', असं म्हंटलं आहे.

Edited By Rakhi Rajput