काँग्रेस नेते नाना पटोले यांनी आज विधानसभेत धक्कादायक आरोप करत पेन ड्राईव्ह दाखवत हनी ट्रॅप प्रकरणावरून सरकारला घेरलं. मंत्रालय, नाशिक आणि ठाणे हे हनी ट्रॅपचं केंद्र बनलं आहे, असा गंभीर आरोप त्यांनी केला. त्यांनी विचारलं की, इतक्या गंभीर प्रकरणावर सरकार निवेदन का देत नाही? यावरून सभागृहात गदारोळ झाला आणि चर्चेला सुरुवात झाली. आता या आरोपांमुळे सरकार अडचणीत सापडण्याची शक्यता आहे.

राज्यातील अनेक प्रमुख शहरांमध्ये सध्या एका मोठ्या हनी ट्रॅप प्रकरणाची गुप्त चौकशी सुरू आहे. नाशिकचे काही वरिष्ठ अधिकारी संशयाच्या भोवऱ्यात असून राज्यातील 72 अधिकाऱ्यांसाह काही माजी मंत्री ही या हनी ट्रॅपचे शिकार झाले आहे. या प्रकरणामुळे प्रशासकीय आणि राजकीय वर्तुळात एकच खळबळ उडाली आहे. या प्रकरणी मुंबई, ठाणे, नाशिक, पुणे आणि छत्रपती संभाजीनगर या शहरांमध्ये गुप्त तपास सुरू आहे. आज याच प्रकरणी कॉँग्रेसचे आमदार नाना पटोले यांनी पेन ड्राइवच आणला आणि यामध्ये त्या सगळ्या मंत्र्यांची नावे असल्याचा दावा केला आहे. यामुळे अनेकांच्या पाया खालची जमीन सरकली आहे.