नागपूरच्या अवस्थी चौक परिसरातील काल संध्याकाळचा एक व्हिडिओ सध्या सोशल मीडियावर जोरदार व्हायरल होत आहे. या व्हिडिओमध्ये एक्टिवावरून जाणारे दोन तरुण गळ्यात धामण जातीचा बिनविषारी साप घेऊन दुचाकी चालवत असल्याचे दिसून येत आहे.

तिथून जाणाऱ्या एका दुसऱ्या दुचाकीस्वाराने हा प्रकार पाहून त्याचा व्हिडिओ काढला आणि सोशल मीडियावर शेअर केला. व्हिडिओ काही वेळातच व्हायरल झाल्यानंतर नागपूर वाहतूक पोलिसांनी या घटनेकडे लक्ष दिलं असून, सध्या गळ्यात जिवंत साप घेऊन फिरणाऱ्या त्या दोघा तरुणांचा शोध सुरू आहे. धामण साप बिनविषारी असला तरी अशा प्रकारे सार्वजनिक रस्त्यावर साप घेऊन फिरणे धोकादायक आणि कायद्याने शिक्षापात्र आहे, असं पोलिसांनी सांगितलं आहे.