नागपूर : हिट अँड रन प्रकरणात गिट्टीखदान पोलिसांनी 7 मे रोजी घडलेल्या हिट अँड रनमध्ये अखेर कार चालकाला अटक केली. नागपुरात 7 मे रोजी झालेल्या अपघातात दोघांना जबर धडक दिली होती. यात 45 वर्षीय ममता आदमाने आणि त्यांची मैत्रिण वंदना अजय पाटील या दोघी पायी जात होत्या. त्यावेळा एका भरधाव कारने दोघींनी चिरडलं होतं. वंदना फेकल्या गेल्याने त्यांना किरकोळ दुखापत झाली होती. मात्र ममता या गाडीखाली आल्याने त्यांना जबर मार लागला. सुरवातीला सीसीटीव्ही मिळूनही कारची ओळख पटत नव्हती. नंतर कार चालकाला अटक करून नोटीस देऊन सुटका करण्यात आली. मात्र गुरुवारी सायंकाळी पोलिसांनी त्याला पुन्हा एकदा अटक केली आहे. कमलेश विश्वकर्मा असे अटक केलेल्या आरोपीचं नाव आहे. सध्या आरोपीची पोलीस कसून चौकशी करत आहेत.