नागपूरच्या भांडेवाडी परिसरात आज सकाळी बिबट्या शिरला होता. मात्र शाळेत शिकणाऱ्या एका लहानग्याने चालाकीने बिबट्याचा सामना केला. दहावीत शिकणाऱ्या आलोक राऊतने घरात शिरलेला बिबट्या पहिल्यांदा पाहिल्याचा थरारक अनुभव सांगितला आहे. रोजच्यासारखा कपडे आणायला वर गेलो असता, त्याला बिबट्याचे पाय आणि शेपूट दिसले, ज्यामुळे तो खूप घाबरला. त्याने खाली जाऊन वडिलांना सांगितले, पण त्यांनी सुरुवातीला विश्वास ठेवला नाही. 'मी चप्पल घेतली आणि फेकून मारली, असे सांगत आलोकने बिबट्या असल्याची खात्री करण्यासाठी चप्पल फेकल्याचे म्हटले. त्यानंतर त्याचे वडील वर आले आणि त्यांनीच तो व्हिडिओ काढला. सुरुवातीला भीती वाटली होती, पण आता बिबट्याला घेऊन गेल्याने बरे वाटत असल्याचे आलोकने सांगितले. यापूर्वी कधीही बिबट्या पाहिला नसल्याचेही त्याने स्पष्ट केले.