विरोधी पक्ष नेते म्हणून आज विरोधी पक्ष विधानसभा अध्यक्षांना पत्र देणार आहेत. त्यामुळे विरोधीपक्ष नेता म्हणून नेमकं कोणाचं नाव दिलं जाणार याकडे सगळ्यांचं लक्ष लागलं आहे. त्यानंतर विधानसभा अध्यक्ष त्यांना विरोधी पक्ष नेते पद देणार का, हेही पहाणं तितकंच महत्वाचं असणार आहे.

विधानसभा निवडणूक निकालानंतर एकूणच मविआची संख्या पहिली तर तिन्ही पक्ष एकत्र बसून विरोधी पक्ष नेता म्हणून कोणाचं नाव द्यायचं यावर चर्चा करणार आहेत. यात प्रामुख्याने उद्धव ठाकरे गटाचे आमदार आहेत. त्यामुळे त्यांच्या पक्षाकडूनच एका आमदाराचे नाव जाण्याची शक्यता आहे. त्यातही आदित्य ठाकरे यांचे नाव विरोधी पक्ष नेता म्हणून जाऊ शकते अशी देखील शक्यता सूत्रांनी वर्तवली आहे. त्यामुळे एक मताने जर हे नाव दिलं तरी विरोधी पक्षाला हे पद द्यायचं की नाही हे विधानसभा अध्यक्षांवर आहे. हा सर्व अधिकार त्यांचा असल्याने आज विरोधी पक्षाने नाव दिलं तरी त्यावर काय निर्णय होतो हे पहाणं महत्वाचं ठरणार आहे.