संजय गडदे, साम टीव्ही

मुंबई विद्यापीठाचा पुन्हा एकदा भोंगळ कारभार समोर आला आहे. मुंबई विद्यापीठाच्या एमए, एम.कॉम, एम.एससी या अभ्यासक्रमाच्या परीक्षा उद्यापासून सुरु होणार आहे. या परीक्षेला अवघे काही तास शिल्लक राहिले आहेत. मात्र अनेक विद्यार्थ्यांना अद्याप हॉलतिकीटच मिळाले नाही.

विद्यापीठातील जवळपास 800 पेक्षा अधिक विद्यार्थी एमए, एम.कॉम, एम.एससी या अभ्यासक्रमांच्या परीक्षेला बसणार आहे. मात्र हॉलतिकीटच न मिळाल्यामुळे विद्यार्थ्यांमध्ये संभ्रमाचे वातावरण निर्माण झालं आहे. या पार्श्वभूमीवर शिवसेना ठाकरे गटाच्या युवासेना सिनेट सदस्यांकडून IDOL च्या अधिकाऱ्यांसोबत बैठकीची मागणी करण्यात येत आहे. विद्यापीठ अधिकाऱ्यांचा विद्यार्थी आणि सिनेट सदस्यांच्या मागणीकडे पूर्णपणे दुर्लक्ष करण्यात येत असल्याचे दिसत आहे.