मुंबईत ४ ते ७ डिसेंबर २०२५ दरम्यान सलग तीन दिवस समुद्राला मोठी भरती येणार असल्याचा इशारा बृहन्मुंबई महानगरपालिकेने दिला आहे. या काळात साडेचार मीटरपेक्षा अधिक उंचीच्या लाटा उसळणार असून नागरिकांनी समुद्रकिनारी जाणे टाळावे, असे आवाहन करण्यात आले आहे.

महापालिकेनुसार, ४ डिसेंबर रोजी रात्री ११:५२ वाजता ४.९६ मीटर, ५ डिसेंबर रोजी सकाळी ११:३० वाजता ४.१४ मीटर उंचीच्या लाटा येणार आहेत. ६ डिसेंबर रोजी मध्यरात्री १२:३९ वाजता सर्वाधिक ५.०३ मीटर आणि दुपारी १२:२० वाजता ४.१७ मीटर भरती असेल. तर ७ डिसेंबर रोजी मध्यरात्री १:२७ वाजता ५.०१ मीटर आणि दुपारी १:१० वाजता ४.१५ मीटर उंचीच्या लाटा उसळणार आहेत.

महापरिनिर्वाण दिनी चैत्यभूमीला येणाऱ्या अनुयायांनीही समुद्रकिनारी विशेष काळजी घ्यावी, असे आवाहन प्रशासनाने केले आहे.