मुंबईमध्ये गोळीबाराची घटना घडली. मुंबईतल्या डॉकयार्ड रोड परिसरात गोळीबाराची ही घटना घडली. भररस्त्यात एकावर गोळ्या झाडण्यात आल्या. असिफ दाढीचा मुलगा समीर शेखवर हा गोळीबार करण्यात आला. सायंकाळी साडेसहा वाजताच्या सुमारास ही गोळीबाराची घटना घडली. या घटनेत समीर शेखच्या पायाला गोळी लागल्याची माहिती समोर आली आहे. जखमी समीरला उपचारासाठी रुग्णालयात दाखल करण्यात आले आहे. घटनेची माहिती मिळताच भायखळा पोलिसांनी घटनास्थळी धाव घेत तपास सुरू केला आहे. संपूर्ण परिसर सील करण्यात आला आहे. पोलिस सीसीटीव्ही फूटेज तपासत आहेत. हा हल्ला का करण्यात आला यामागचे कारण अद्याप समोर आले नाही. पण गोळीबाराच्या आवाजाने परिसरातील नागरिकांमध्ये भीतीचे वातावरण आहे.