गोवंडीमध्ये आमदार अबू आझमी यांना स्थानिक नागरिकांनी विभागातील प्रश्नांवरून धारेवर धरले. यावेळी त्यांच्या जवळच्या सहकाऱ्यांना नागरिकांनी बेदम चोप दिला. गोवंडी शिवाजी नगर वॉर्ड क्रमांक १३६ मध्ये ही घटना घडली. समाजवादी पक्षाचे आमदार अबू आझमी यांच्या सहकाऱ्यांसोबत मैदानाच्या सुशोभीकरण कामाच्या शुभारंभ करण्यासाठी गेले होते. तेथील काही नागरिकांनी अबू आझमी यांना विभागातील प्रश्नांवरून धारेवर धरले. यावेळी अबू आझमी यांचे जवळचे सहकारी आणि समाजवादी पक्षाचे पदाधिकारी फाद आझमी आणि कार्यकर्त्यांना स्थानिक नागरिकांनी बेदम चोप दिला. याप्रकरणी शिवाजीनगर गोवंडी पोलिस ठाण्यात गुन्हा दाखल करण्यात आला असून याचा अधिक तपास पोलिस करत आहेत. या घटनेचा व्हिडीओ समोर आला असून तो व्हायरल होत आहे.