मुंबईत मध्यरात्रीपासूनच संततधार कोसळत आहे. काही रस्ते जलमय तर, काही भागांमध्ये गुडघाभर पाणी साचलं आहे. अशातच चेंबूर परिसरात सकाळपासून धो - धो पाऊस बरसत आहे. पोस्टल कॉलनी परिसर पाण्याखाली गेले आहे. तसेच चेंबूर परिसरात मोठी दुर्घटना घडली. एमएमआरडीची संरक्षणभिंत कोसळली. या दुर्घटनेत ७ झोपड्यांचे नुकसान झाले आहे.

सुदैवानं या दुर्घटनेत कोणतीही जिवितहानी झालेली नाही. घटनास्थळी बीएमसीचे अधिकारी आणि अग्निशामक दलाचे पथक तात्काळ बचावकार्यासाठी दाखल झाले आहेत. प्रभावित कुटुंबाना सुरक्षितस्थळी हलवण्यात आले असून, त्यांची तात्पुरती व्यवस्था मरवली चर्च येथे करण्यात आली आहे.