Mumbai Rain Gandhi Market News : मुंबईत सलग चौथ्या दिवशी पाऊस झोडपतोय. रात्री गांधी मार्केट परिसरात पावसामुळे पाणी भरलं होतं. वाहनचालकांना पाण्यातून मार्ग काढावा लागत होता.

मुंबईत सलग चौथ्या दिवशी मुसळधार पावसाने शहराला झोडपले आहे. सोमवारी रात्रीपासून सुरू असलेलया पावसामुळे गांधी मार्केट परिसरात रस्त्यांवर गुडघाभर पाणी साचले. यामुळे वाहनचालकांना आणि पादचाऱ्यांना मोठ्या अडचणींचा सामना करावा लागला. पाण्यातून मार्ग काढताना अनेकांना कसरत करावी लागली.

गांधी मार्केट परिसरातील दुकानदारांनी पाण्यामुळे मालाचे नुकसान झाल्याची तक्रार केली आहे. पावसामुळे वाहतूक कोंडीतही मोठी वाढ झाली, तर काही ठिकाणी रस्ते बंद झाल्याने प्रवाशांचे हाल झाले. पालिकेच्या आपत्कालीन पथकांनी पाणी उपसण्याचे काम सुरू केले असले, तरी पावसाचा जोर कायम आहे. हवामान खात्याने पुढील २४ तास मुसळधार पावसाचा इशारा दिला आहे.