मुंबईकरांसाठी महत्वाची बातमी आहे. मुंबई शहर आणि मुंबई उपनगरसाठी पुढील ३ तास महत्त्वाचे असणार आहे. पुढच्या ३ तासांत मुंबईमध्ये मुसळधार पाऊस पडण्याचा अंदाज हवामान खात्याने वर्तवला आहे. त्यामुळे मुंबईकरांनी काळजी घेण्याचे आणि सतर्क राहण्याचे आवाहन करण्यात येत आहे. मुंबईत आज सकाळपासून पाऊस पडत आहे. या पावसामुळे गेल्या काही दिवसांपासून उकाड्यामुळे हैराण झालेल्या मुंबईकरांना मोठा दिलासा मिळाला.

रायगड आणि रत्नागिरी येथील घाट क्षेत्रात देखील पावसाचा इशारा देण्यात आला आहे. निम्म्यापेक्षा जास्त महाराष्ट्र मान्सूनने व्यापला गेला आहे. दरम्यान,राज्यात तीन ते चार दिवसांत मान्सून सक्रिय होणार आहे. मान्सूनच्या वाऱ्याबरोबर आद्रतेचे प्रमाण वाढले आणि भागात पाऊस झालेला दिसून येतो . मान्सून राज्यातल्या अनेक भागात पोहोचला. येणाऱ्या काळात मान्सूनची परिस्थिती चांगली असणार आहे. कोकण किनारपट्टीवर रेड अलर्ट देण्यात आलेला आहे.घाटमाथ्यावरील पावसाची परिस्थिती चांगली असेल.