पुणे जिल्ह्यात कालपासून पडणाऱ्या मुसळधार पावसामुळे मुंबई-पुणे एक्स्प्रेस वेवरील वाहतूक ठप्प झाली आहे. मिसिंग लिंकजवळ दरड कोसळली. मुंबईवरून पुण्याकडे आणि पुण्यावरून मुंबईकडे जाणारी वाहतूक पूर्णपणे बंद करण्यात आली आहे. प्रवाशांना गेल्या ३ ते ४ तासांपासून महामार्गावर मोठी वाहतूक कोंडी झाली आहे. वाहनांच्या लांबच लांब रांगा लागल्या आहेत. अशामध्ये मुंबई- पुणे एक्स्प्रेस वेवरून प्रवास करणाऱ्यांनी प्रवास टाळावा असे आवाहन वाहतूक पोलिसांकडून जात आहे.

दरम्यान, दरड कोसळणे आणि सतत सुरू असलेल्या मुसळधार पावसामुळे मुंबई-पुणे एक्स्प्रेस वेवरील दोन्ही बाजूची वाहतूक ठप्प झाल्यामुळे प्रवाशांचे प्रचंड हाल होत आहे. एकाच ठिकाणी बरेच तास अडकून राहिल्यामुळे प्रवासी हैराण झाले आहेत. पुणे- मुंबई तसेच मुंबई- पुणे या दोन्ही दिशेची वाहतूक पुढील आदेशापर्यंत पूर्णपणे बंद करण्यात आली आहे. नागरिकांनी पुढील सूचना मिळेपर्यंत पुणे- मुंबई किंवा मुंबई- पुणे असा प्रवास करू नये, असे आवाहन करण्यात येत आहे.