Mumbai Pune Express Highway Traffic News : दिवाळीच्या सणाच्या पार्श्वभूमीवर मुंबई-पुणे एक्सप्रेस हायवेवर मोठी वाहतूक कोंडी निर्माण झाली आहे. उत्साही प्रवाशांमुळे आणि सणासुदीच्या गतीमुळे रस्त्यावर गती मंदावली असून, पोलिसांनी वाहतूक सुरळीत ठेवण्यासाठी विशेष व्यवस्था केल्या आहेत.

पुण्यातून दिवाळीसाठी गावी निघालेल्या लोकांची संख्या मोठ्या प्रमाणावर आहे. पुणे शहरातून बाहेर पडण्यासाठी अहिल्यानगर, नाशिक, सातारा, सोलापूर हे महामार्ग आहेत. या महामार्गावर कालपासून मोठ्या प्रमाणावर वाहतूक कोंडी होत आहे. खाजगी गाड्या ट्रॅव्हल्स यामुळे मोठ्या प्रमाणावर वाहतूक कोंडी होत असल्याचं दोन दिवसापासून पाहायला मिळते. उत्तर महाराष्ट्र पश्चिम महाराष्ट्र आणि मराठवाड्यात जाणाऱ्यांची संख्या मोठ्या प्रमाणावर असल्याने त्याचबरोबर रस्त्यामध्ये मोठे खड्डे आणि रस्ते खराब असल्याने वाहतूक कोंडी होत आहे. पुण्यातून पहाटे पाच वाजता संभाजीनगर साठी निघालेल्या प्रवाशांना विमान नगर पासून ते रांजणगाव पर्यंत 60 किलोमीटरचा अंतर पार करण्यासाठी साडेतीन तास लागले आहेत. मोठ्या प्रमाणावर ती जड वाहतूक या मार्गावरती आहे रस्ते खराब झाल्याने वाहतूक कोंडी झाली आहे