मुंबई- पुणे एक्स्प्रेस वेवर भीषण अपघाताची घटना घडली आहे. एक्स्प्रेस वेवरील किलोमीटर 45 जवळ मालवाहू कंटेनर उलटला होऊन अपघात झाला. या अपघाताचा थरार सीसीटीव्हीमध्ये कैद झाला आहे. हा कंटेनर पुण्यावरून मुंबईच्या दिशेने जात असताना अमृतांजन पुलाजवळील वळणावर चालकाचा कंटेनरवरील ताबा सुटल्याने कंटेनर पलटी झाला.

या अपघातग्रस्त कंटेनरमध्ये चालकासह दोन मदतनीस प्रवास करत होते. या अपघातामध्ये दोन्ही मदतनीस जखमी झाले आहे. महामार्गावर कंटेनर उलटल्याची घटना सीसीटीव्हीमध्ये कैद झाली आहे. दरम्यान आरआरबीचे कर्मचारी घटनास्थळी दाखल झाले असून कंटेनर अर्ध्या तासात बाजूला काढण्यात आला आहे. या अपघातामुळे पुण्याहून मुंबईला जाणाऱ्या मार्गिकेवर काही काळ वाहतूक थांबविण्यात आली होती.