मुंबई-पुणे द्रुतगती मार्गावर मंगळवारी दुपारी मोठी दुर्घटना घडली. बोरघाटातील आडोशी बोगद्याच्या छताचा काही भाग कोसळला आहे. बोगद्यातून वाहने जात होती. यातील धावत्या वाहनांवर बोगद्याचे छत कोसळले आहे. सुदैवाने, वाहनांचा वेग मर्यादित असल्याने मोठी जीवितहानी टळली. मात्र,दोन वाहनांचे नुकसान झालं आहे. या घटनेमुळे हायवेवरील प्रवाशांच्या सुरक्षेचा प्रश्न पुन्हा एकदा ऐरणीवर आला आहे. मध्यंतरी बोगद्याच्या बाहेर अपघात झाल्याने जवळपास ३२ तास वाहतूक कोंडी झाली होती. त्यानंतर आता पुन्हा एकदा अपघाताची घटना घडल्याने प्रवाशांच्या सुरक्षिततेचा प्रश्न निर्माण झाला आहे.