मागच्या चार दिवसांपासून मुंबईमध्ये मनोज जरांगे पाटील यांच्या नेतृत्वात आंदोलन सुरू आहे. मात्र मुंबई पोलिसांनी 3 वाजे पर्यंत मुंबई सोडण्याच्या सूचना केल्यानंतर जो पर्यंत आरक्षण मिळणार नाही तो पर्यंत इथून हालणार नाही असा पवित्रा घेतलाय. आजच्या सुनावणीत जेष्ठ विधीज्ञ सतीश मानेशिंदे यांनी मनोज जरांगे यांची बाजू मांडली. यावेळी त्यांनी मराठा आंदोलकांच्या कृतीबद्दल माफी मागितली. मराठा आंदोलकांची व्यवस्था न झाल्यामुळे ही परिस्थिति निर्माण झाली असे त्यांनी म्हटले. मात्र तरी देखील न्यायालयाने मराठा आंदोलकांना दिलासा दिलेला नाहीये. लोकांच्या मनात भीतीचे वातावरण आहे. ते घराबाहेर पडू शकत नाहीत. तीन वाजेपर्यंत आम्हाला सगळे सुरळीत हवंय. अन्यथा आम्ही स्वतः रस्त्यावर जाऊन परिस्थितीच्या आढावा घेऊ असे मुंबई उच्च न्यायालयाकडून सांगण्यात आले. आता तीन वाजता उर्वरित सुनावणी होणार आहे.