पोलिस होण्याचे अनेकांचे स्वप्न असते. स्वप्न पूर्ण केल्यानंतर जो काही आनंद असतो तो शब्दात सांगता येणारा नसतो. त्याचसोबत कुटुंबियांचाही उर भरुन येतो. असाच एक व्हिडिओ सध्या सोशळ मीडियावर व्हायरल होत आहे. यामध्ये आपला भाऊ पोलिस झाल्यानंतर मोठ्या भावाला अश्रू अनावर झाले आहे. हा भावनिक व्हिडिओ सध्या सोशल मीडियावर प्रचंड व्हायरल होत आहे.

भाऊ पोलिस झाला, मोठ्या भावाला अश्रू अनावर (Maharashtra Police Brother Emotional Video)

मुंबई पोलीस दलात भरती झालेल्या भावाला समोर पाहताच वनरक्षक अधिकारी भाऊ क्षणभर स्तब्ध झाला. डोळ्यांत दाटून आलेले अश्रू त्याच्या कष्टांची, संघर्षाची आणि स्वप्नांच्या पूर्ततेची साक्ष देत होते. ज्याच्यासाठी अनेक रात्री जागून प्रार्थना केली, तो भाऊ आज अभिमानाने पोलीस गणवेशात उभा होता.त्या क्षणी शब्द अपुरे पडले आणि भावना बोलू लागल्या. दोघांनीही एकमेकांना घट्ट मिठी मारली. ही मिठी केवळ भेट नव्हती, तर ती प्रेमाची, त्यागाची आणि जिद्दीच्या विजयाची निशाणी होती. उपस्थितांचेही डोळे नकळत पाणावले. हा क्षण प्रत्येकाच्या मनात घर करून गेला.

व्हायरल व्हिडिओत दोन भावांमधील प्रेम दिसत आहे. लहान भाऊ पोलिस झाला म्हणून मोठ्या भावाला खूप अभिमान वाटला. लहान भावाने आपल्या भावाला सलामी दिली. पोलिस झाल्यानंतरचा पहिला सलाम आपल्या भावाला केला. त्यांचा हा व्हिडिओ खूपच मनाला भिडणारा आहे. मोठा भाऊ वनरक्षक आणि लहान भाऊ पोलिस अधिकारी झाला आहे. या दोघांचाही संघर्ष त्याच्या डोळ्यातील अश्रूतून कळत आहे. पोलिस झालेल्या लहान भावाने आपल्या मोठ्या भावाला उचलून घेत आपला आनंद साजरा केला आहे.