गणेशोत्सव जवळ येऊन ठेपला आहे. अवघे काही दिवस उरले आहेत. सगळीकडे लगबग सुरू आहे. घरगुती आणि सार्वजनिक गणेश मंडळं जोरदार तयारी करत आहेत. महाराष्ट्रातील इतर शहरांपेक्षा मुंबई, पुण्यात गणेशोत्सव धुमधडाक्यात साजरा केला जातो. मुंबईतील अनेक सार्वजनिक गणेश मंडळांच्या गणपतींचे वाजतगाजत आगमन देखील झाले आहे. त्याचवेळी एक बातमी येऊन धडकली आहे. मुंबईत गणेशोत्सवात डीजे वाजवण्यावर बंदी घालण्यात आली आहे. तसे आढळून आलं तर मुंबई पोलिसांकडून कारवाई करण्यात येणार आहे.

मुंबईत गणेशोत्सवात डीजे वाजवला तर संबंधितांवर कारवाई करण्यात येणार आहे. गणेशोत्सव काळात एखाद्या गणेश मंडळानं कार्यक्रमात डीजे वाजवला तर, मुंबई पोलीस कारवाईचा बडगा उगारणार आहेत.