मुंबई : नाशिक-मुंबई महामार्गावर मोठ्या प्रमाणात खड्डे पडले आहेत. यामुळे वाहतूक कोंडी मोठ्या प्रमाणात होत आहे. नाशिककडून ठाण्याकडे जाणाऱ्या वाशिंद ते पडघ्यादरम्यान मार्गावर जड वाहनांच्या लांबच लांब रांगा लागल्या आहेत. यामुळे वाहन चालकांना नाहक त्रास सहन करावा लागत आहे. तब्बल ५ ते ६ किलोमीटर वाहतूक कोंडी झाली आहे. यामुळे प्रवाशांना तासंतास त्यांच्या गाडीतच बसून रहावं लागत आहे. कालच मुख्यमंत्री एकनाथ शिंदे या महामार्गाचा पाहणीदौरा झाला, तरी आज पुन्हा वाहतूक कोंडी झाली.