Mumbai Local News Today मुंबई : मुंबईच्या हार्बर लाईनवरील लोकलसेवा विस्कळीत झाली आहे. सीएसएमटी स्थानकाजवळ लोकलचा डबा घसरला. पण यात कोणतीही जीवितहानी झाली नाही. पण थोडक्यात मोठा अनर्थ टळलाय. सकाळी साडे अकरा वाजता लोकलचा डबा घसरला होता. दरम्यान, यामुळे हार्बर लाईनवरील लोकलचं वेळापत्रक कोलमडलं आहे. रेल्वे प्रशासनाकडून वेळापत्रक पूर्ववत करण्याचे प्रयत्न सुरु आहेत. रेल्वेचे अधिकारीही घटनास्थळी दाखल झाले आहेत. रुळावरुन घसरलेली लोकल पुन्हा मार्गस्थ करण्यासाठी युद्धपातळीवर प्रयत्नही रेल्वे प्रशासनाकडून केले जात आहेत. मात्र या सगळ्याचा फटका हार्बर लाईनने प्रवास करणाऱ्या प्रवाशांना बसल्याचं पाहायला मिळतंय.