मुंबईकरांसाठी अतिशय महत्वाची माहिती आहे. येत्या 24 ते 27 जुलै या कालावधीत सलग 4 दिवस समुद्राला मोठी भरती येणार आहे. त्यामुळे नागरिकांनी भरतीवेळी समुद्रकिनारी जाणे टाळावे असे आवाहन प्रशासनाने केले आहे. तसेच समुद्राच्या भरतीच्या संदर्भात प्रशासनाकडून जारी करण्यात आलेल्या इतर सुचनांचे काटेकोरपणे पालन करण्याचे आवाहन मुंबई महानगरपालिकाकडून करण्यात आले आहे/

गुरुवार म्हणजेच आज पासून ते रविवार दिनांक 27 जुलै या कालावधीदरम्यान सलग 4 दिवस समुद्राला मोठी भरती येणार आहे. तर 26 जुलै रोजी समुद्रात सर्वात मोठी म्हणजे 4.67 मीटर इतक्या उंचीची लाट उसळणार आहेत. भरतीच्या दरम्यान नागरिकांनी समुद्रकिनारी जाऊ नये, तसेच या अनुषंगाने प्रशासनाकडून नेहमी देण्यात येणाऱ्या सुचनांचे काटेकोरपणे पालन करावे असे आवाहन प्रशासनाकडून करण्यात येत आहे.