मुंबई हायकोर्टाने ध्वनीप्रदूषणाच्या मुद्द्यावर महत्वाचे निर्देश दिले आहेत सण - उत्सव, सांस्कृतिक कार्यक्रम किंवा सार्वजनिक कार्यक्रमांसाठी साऊंड सिस्टिम वापरण्याची परवानगी घेताना मंडळांना एक लाख रुपयांची अनामत रक्कम जमा करावी लागणार आहे.

वैयक्तिक पातळीवर एखाद्या व्यक्तीने साऊंड सिस्टिमसाठी परवानगी मागितल्यास 50 हजार रुपयांची अनामत रक्कम जमा करावी लागणार आहे. परवानगी देताना आवाजाची मर्यादा आणि इतर अटी शर्ती स्पष्ट करण्यात येणार आहेत.

या नियमांचे उल्लंघन करून ध्वनीमर्यादा ओलांडल्यास जमा केलेली अनामत रक्कम जप्त केली जाऊ शकते. तसेच सबंधितांवर कायदेशीर कारवाई केली जाणार आहे. मिरवणुकांमध्ये ध्वनीमर्यादा ओलांडल्यास उपकरणे आणि वाद्ये जप्त करण्याचे निर्देशही कोर्टाने दिले आहेत.