हार्बर रेल्वे मार्गावरील वाहतूक विस्कळीत झाली होती. गेल्या २ तासांपासून या मार्गावरील वाहतूक खोळंबली आहे. सिवूड्स आणि जुईनगर रेल्वे स्थानकादरम्यान ओव्हर हेड वायरमध्ये तांत्रिक बिघाड झाल्याने वाहतूक विस्कळीत झाली होती. हा बिघाड दुरुस्त करण्याचे २ तासांपासून प्रयत्न सुरू होते. अखेर ९.५३ वाजता ओव्हर हेड वायरमधील बिघाड दुरुस्त करण्यात आला. त्यानंतर हळूहळू हार्बर रेल्वे मार्गावरील वाहतूक पूर्वपदावर येत आहे.

हार्बर मार्गावर तांत्रिक बिघाड झाल्यामुळे पनवेलवरून सीएसएमटीकडे येणाऱ्या लोकल २ तासांपासून बंद होत्या. सध्या सीएसएमटी ते वाशी आणि वाशी ते सीएसएमटी या लोकलसेवा सुरू आहेत. पनवेल ते बेलापूरदरम्यान अप लाईन सुरू असून त्यापुढे लोकल धावत नव्हत्या. मात्र वाशीहून पनवेलला जाणाऱ्या लोकल देखील अनेक स्थानकात रखडल्या होत्या. आता तांत्रिक बिघाड दुरूस्त झाला असून लोकलसेवा देखील पूर्वपदावर आणण्याचे प्रयत्न सुरू आहेत. या तांत्रिक बिघाडामुळे प्रवाशांचे प्रचंड हाल झाले.