मुंबईमधून एक धक्कादायक घटना समोर आली आहे. एका मुलीने शिवसेना शिंदे गटाच्या नेत्याचा बॅनर फाडला. अंधेरीमधील ही घटना आहे. याचा व्हिडीओ सोशल मीडियावर व्हायरल होत आहे. या मुलीने शिंदेंच्या नेत्यावर गंभीर आरोप देखील केले आहेत. सध्या या मुलीने केलेल्या गंभीर आरोपीची जोरदार चर्चा होत आहे.

मिळालेल्या माहितीनुसार, मुंबईच्या अंधेरी पश्चिमेकडील जोगेश्वरी परिसरात धक्कादायक प्रकार घडला आहे. एका अल्पवयीन मुलीने शिवसेना शिंदे गटाच्या नेत्याचा बॅनर फाडल्याची घटना समोर आली आहे. बॅनर फाडताना ती मुलगी म्हणाली की, या व्यक्तीने माझ्या घराचे वाटोळं केलं आहे. या व्यक्तीमुळे मी आज ५ वर्षांपासून रस्त्यावर राहत आहे. या व्यक्तीमुळे माझ्या आई-वडिलांचा घटस्फोट झाला आहे. त्यामुळे मी त्याचा बॅनर फाडत आहे. या घटनेचा व्हिडिओ सोशल मीडियावर व्हायरल झाला असून स्थानिक प्रशासन आणि पोलिसांनी या प्रकरणाची दखल घेत चौकशी सुरू केली आहे.