मुंबई: मुंबईमधील अत्यंत गजबजलेल्या दादर रेल्वे स्थानक परिसरातून एक संतापजनक आणि आरोग्याशी खेळणारा प्रकार समोर आला आहे. दादर पूर्व रेल्वे स्थानकाबाहेर एका इडली विक्रेत्याने चक्क शौचालयातील पाण्याचा वापर करून खाद्यपदार्थ तयार केल्याचा धक्कादायक प्रकार उघडकीस आला आहे. या संपूर्ण प्रकाराचा व्हिडिओ सोशल मीडियावर प्रचंड व्हायरल झाला असून, मुंबईकरांमधून तीव्र संताप व्यक्त केला जात आहे. दररोज हजारो नागरिक या परिसरात खाद्यपदार्थ घेतात, त्यामुळे लोकांच्या आरोग्याशी खेळणाऱ्या अशा विक्रेत्यांवर कठोर कारवाई करण्याची मागणी होत आहे. मुंबई महापालिका आणि अन्न व औषध प्रशासनाने या प्रकरणाची तातडीने चौकशी करून स्वच्छतेचे नियम धाब्यावर बसवणाऱ्यांवर कारवाई करा अशी मागणी नागरिक करत आहे.