मुंबई : मुंबईच्या अंधेरीतून धक्कादायक प्रकार समोर आला आहे. मुंबईतील अंधेरीत एका तरुणाला मद्यधुंद अवस्थेत गाडी चालवणं चांगलंच अंगलट आलं आहे. मद्यधुंद तरुणाने थेट दरवाजाच्या बाहेर लटकत गाडी चालवण्याचा धक्कादायक प्रकार केला आहे. कार चालवताना त्याचा अपघातही झाला. आता या तरुणाचा कार चालवतानाचा व्हिडिओ सोशल मीडियावर व्हायरल होत आहे. या व्हिडिओनंतर नेटकऱ्यांकडून संताप व्यक्त केला जात आहे.

मुंबईतील अंधेरीत २६ वर्षीय तरुणाने मंद्यधुंद अवस्थेत गाडी चालवण्याचा प्रकार केलाय. या तरुणाने चक्क कारच्या दरवाज्याच्या बाहेर लटकत गाडी चालवली. केवळ स्टेअरिंगला लटकत कार चालवताना त्याचा अपघात देखील झाला. आता या तरुणाचा प्रताप सोशल मीडियावर व्हायरल झाला आहे. या व्हायरल व्हिडिओनंतर पोलिसांनी या तरुणाला अटक केली. सूरज सावला असे या तरुणाचे नाव आहे. वैद्यकीय तपासणीत तरुणाने मद्य प्राशन केल्याचं स्पष्ट झालं आहे.