मुंबईमधून मोठी बातमी समोर आली आहे. मुंबईतील छत्रपती शिवाजी महाराज आंतरराष्ट्रीय विमानतळाला धमकीचा ईमेल आला आहे. विमानतळावरील विमानं उडवून देण्याची धमकी देण्यात आली आहे. मुंबई विमानतळ पोलिसांच्या ईमेल आयडीवर हा धमकीचा ईमेल आला आहे. ही धमकी येताच विमानतळावर एकच खळबळ उडाली. पोलिस यंत्रणा आणि विमानतळ सुरक्षा यंत्रणा अलर्ट मोडवर आली आहे. धमकीच्या ईमेलमध्ये दर अर्ध्या तासाला विमान उडवून देण्याची धमकी देण्यात आली आहे. जपान, कॅनडा, जर्मनी आणि ऑस्ट्रेलियाला जाणाऱ्या विमानात स्फोटकं असल्याचे ईमेलमध्ये लिहिले आहे. धमकी देणाऱ्या व्यक्तीने १० दशलक्ष अमेरिकन डॉलर्सची मागणी करण्यात आली आहे. हा ईमेल कुणी पाठवला आणि कुठून आला आहे याची माहिती अद्याप समोर आली नाही.