मुळा नदी पाणलोट क्षेत्रात सुरु असलेल्या जोरदार पावसामुळे धरणातील जलसाठ्यात झपाट्याने वाढ होत आहे. आंबित धरणानंतर आता पिंपळगाव खांड धरणही ओव्हरफ्लो झाले आहे. या धरणातून मोठ्या प्रमाणात पाणी मुळा धरणाकडे झेपावत आहे. त्यामुळे मुळा धरणातील पाणीसाठा लक्षणीयरीत्या वाढण्याची शक्यता आहे.

या पावसामुळे भंडारदरा परिसर निसर्गसौंदर्यानं बहरुन गेले असून, परिसरात धबधबे कोसळू लागले आहेत. हिरवाईने नटलेला परिसर आणि धबधब्यांची रम्य नजारा पाहण्यासाठी पर्यटकांची पावलं भंडारदरा आणि परिसरातील निसर्गरम्य ठिकाणी वळू लागली आहेत.स्थानिक प्रशासनाने पर्यटकांना सुरक्षिततेच्या सूचना दिल्या असून, पावसाचा जोर वाढला असून, नदी व धबधब्यांच्या जवळ जाणं टाळण्याचं आवाहन केलं आहे.